瓜地馬拉安提瓜咖啡花神單品咖啡豆口味價格介紹

作者:fen 来源:手冲咖啡: 咖啡知识 > 咖啡豆 > 2021-12-05 16:54:00

微信图片_20210804125630


有啡友走來問前街:有冇D乜咖啡飲落會有一種食煙嘅感覺。(吸煙危害健康!!!)前街嘅咖啡師首先就會諗到瓜地馬拉產區嘅咖啡。

 

瓜地馬拉最早種植咖啡係18世紀50年代嘅時候由傳教士帶入,但只係作為觀賞性植物。知道後來19世紀中期,由於合成染料嘅出現,瓜地馬拉嘅靛藍同胭脂紅染料工業受到勁大衝擊,咖啡先開始大規模咁商業化種植。由此可見,瓜地馬拉嘅咖啡種植歷史悠久,前街認為瓜地馬拉嘅咖啡之所以出名亦得益於當地嘅種植環境優越非常適合咖啡果實嘅生長。

 

guatemala-new-oriente


瓜地馬拉咖啡產區擁有熱帶雨林、火山地質、高原、微型氣候等多種有利因素,因此造就出不同區域嘅獨特風味。

 

瓜地馬拉主要產區由安提瓜(Antigua)、薇薇特南果(Huehuetenango)、阿蒂特蘭(Atitlan)、科班(Coban)、法拉漢尼斯(Fraijanes)、聖馬可斯(San Marcos)、阿卡特南果(Acatenango)等產區。

 

8regions_map


其中,前街menu上兩款來自瓜地馬拉嘅咖啡豆分別來自薇薇特南果以及安提瓜產區。

 

【薇薇特南果】

薇薇特南果位於瓜地馬拉與墨西哥嘅邊界,高聳山脈與原始雨林環境十分適合咖啡嘅種植,歷年來嘅卓越盃(COE)名列前茅嘅莊園多來自於此,其中就有瓜地馬拉COE常勝軍茵傑特(Injerto)莊園。

 

Huehuetenango


此產區擁有以石灰質土壤為主,值得一提嘅係薇薇特南果種植咖啡最高海拔可達2100米,係中美洲產區來將相當少見。而前街咖啡嘅口糧豆系列中就有一款來自薇薇特南果嘅咖啡豆,採用水洗處理法,將最乾淨嘅產區風味呈現出來,以性價比最優嘅方式令眾多啡友可以從中體驗到瓜地馬拉係唔係你想要嘅產區。

 

危地马拉薇薇特南果


前街咖啡瓜地馬拉薇薇特南果

產區:瓜地馬拉薇薇特南果

海拔:1500米——2000米

品種:波旁、卡杜拉、卡杜艾

處理方式:水洗

 

【安提瓜】

據說,安提瓜產區係瓜地馬拉咖啡嘅發源地。安提瓜產區位於山谷位置,周圍有三座火山(Agua、Fuego、Acatenango),而據前街了解,Fuego係一座活火山,由於會經常性不定時爆發,產區內嘅土壤擁有豐富嘅礦物質。安提瓜區域內保留有大量嘅原始森林。以上兩個因素,令安提瓜產區嘅咖啡樹得到源源不斷嘅營養從而健康成長。

 

De-la-Gente-Antigua-Guatemala-8-1024x683-1


前街menu上瓜地馬拉花神就來自安提瓜產區嘅拉米妮塔莊園。聽講過拉米妮塔(La Minita)集團嘅啡友都知道,拉米妮塔除咗係哥斯大黎加種植咖啡外,係瓜地馬拉亦擁有自己嘅咖啡品牌【花神】,字面上了解就係“咖啡之花”(La Flor del Cafe)。拉米妮塔家族對種植管理、生豆處理以及品質管控頗有口碑,據前街了解,拉米妮塔莊園每年會進行兩次土壤檢測,以保證土壤質量,而咖啡生豆處理則委託安提瓜當地最大嘅水洗處理廠Las Pastroes處理,並為生豆取名【花神】。

 

Hacienda La Minita


前街嘅花神因為係水洗處理,咖啡得以保持原有嘅風味兼且乾淨明亮。此外,與大家對瓜地馬拉咖啡“煙”味特徵的了解唔同,前街嘅花神研磨成粉之後,乾香竟然係濃厚嘅花香以及茶香,沖煮之後口感乾淨明亮,萊姆、莓果酸香,尾韻帶蜂蜜甜。得名【花神】實在係實至名歸!

 

危地马拉花神


前街咖啡瓜地馬拉花神

產區:瓜地馬拉安提瓜

莊園:拉米妮塔莊園

海拔:1200米

品種:卡杜拉、波旁

處理方式:水洗處理

 

 

沖煮建議

 

前街係烘焙花神嘅時候,為咗保留明亮酸質、展現花香與果香,同時提升豐富度與均衡感,所以採用中度烘焙。因此,沖煮時用到91攝氏度水溫以及Hario V60濾杯。

 

微信图片_20210620095811


濾杯:Hario V60

水溫:91攝氏度

粉量:15克

粉水比例:1:15

研磨度:EK43s#10.5(20號篩網通過率80%)

 

微信图片_20210620100206


注入30cc水進行悶篜30秒,小水流繞圈注水至125cc進行分段,等濾杯中水位降至即將見到粉床時繼續注水至225cc,濾杯中水完全滴落分享壺即可移走濾杯,總萃取時間2’00”。

 

微信图片_20210620100126


【花神】柑橘酸明顯,果汁酸感,豐富花香,甜度宜人,中度醇厚,後段帶輕微焦糖感,整體乾淨、溫和、質感順滑,均衡,且層次感豐富。

【薇薇特南果】柑橘、莓果酸,檸檬皮,中段堅果香氣,餘韻茶感。

 



2021-11-24 15:09:28 责任编辑:fen

单品咖啡

常见的咖啡产区

非洲产区

埃塞俄比亚咖啡- 耶加雪菲咖啡- 西达摩咖啡- (耶加雪菲水洗和日晒)-

肯尼亚咖啡- 卢旺达咖啡- 坦桑尼亚咖啡-

亚洲产区

曼特宁咖啡- 黄金曼特宁- 云南小粒咖啡-

美洲产区

哥伦比亚咖啡- 巴西咖啡-

中美洲产区

危地马拉咖啡- 哥斯达黎加咖啡- 巴拿马咖啡- 翡翠庄园红标- 蓝山一号-

本站推荐: 卡蒂姆咖啡豆| 季风马拉巴咖啡| 牙买加咖啡| 西达摩花魁| 耶加雪啡咖啡| 埃塞俄比亚咖啡| 耶加雪菲咖啡| 巴西黄波旁咖啡| 巴拿马水洗花蝴蝶| 尼加拉瓜马拉卡杜拉咖啡豆| 罗布斯塔咖啡豆特点| 阿拉比卡咖啡豆的特点| 巴西摩吉安纳咖啡| 巴西咖啡豆风味特点| 乌干达咖啡豆风味| 西达摩咖啡豆特点| 后谷咖啡云南小粒咖啡| 埃塞俄比亚红樱桃咖啡| 哥斯达黎加塔拉珠咖啡| 单品摩卡咖啡豆的特点| 卢旺达单品咖啡| 布隆迪咖啡风味| 哥斯达黎加咖啡黑蜜口感| 巴拿马卡杜拉咖啡| 巴西喜拉多咖啡特点|

专业咖啡知识交流 更多咖啡豆资讯 请关注咖啡工房(微信公众号cafe_style)

更多推荐

更多资讯

关注我们

  1. 关于我们
  2. 商务合作
  3. 推荐计划
  4. 投稿登录